மலைத் தேனும் மலமும் ஒன்றாகுமா?
(நாகசாமி எனும் பார்ப்பனர் திருக்குறள் மனுதர்மத்தின் சாரம் என்னும் தலைப்பில் ஆங்கிலத்தில் நூல் ஒன்றை வெளியிட்டுள்ளார். திருக்குறள்
- ஓர் உலகப் பொதுமறை.
இதற்கு - சாதி, மதம், இனம், மொழி, நாடு என எந்தவொரு எல்லையும் கிடையாது. சமயச் சாயம் பூச முடியாதது. எல்லாச் சமயங்களும் சொந்தம் கொண்டாடும் ஒரே நூல் - திருக்குறள். இது ஓர் இமயமலை. பூணூல் கொண்டு கட்டித் தூக்கிவிடலாம் என்பது மடமை; இதற்கு சவுக்கடி கொடுப்பது எனது கடமை).
திருக்குறள் மனுதர் மத்தின் சாரமா? - மலைத்
தேனும் மலமும் ஒன்றென் றாகுமா?
அறிவுடை யோரே ஓர்சொல் கேளீர்! - இதை
ஆய்ந்து தெளிந்தே உண்மை தேர்வீர்!
நாக சாமி எனுமோர் திருடன் - குறளை
மனுதர்ம சாரம் என்ற குருடன்! காகக் குரலும் குயிலின் குரலும் - தெரியா
கடைந்தெ டுத்த மாபெரும் மூடன்!
மனுதர் மத்தின் ஆணிவேர் அறுக்க - நல்ல
வாய்ப்பு தந்த நாகமே நன்றி!
மனிதனை மனித னாகவே மதியா - மனுவை
மனிதன் மதியான்; மதிக்குமே பன்றி!!
முகத்தி லிருந்து பார்ப்பான் பிறந்தான் - இரு
தோள்களி லிருந்து சத்திரியன் பிறந்தான்
அகன்ற தொடையில் வைசியன் பிறந்தான் - அடிப்
பாதத் திலிருந்தே சூத்திரன் பிறந்தான்!
என்றே பகவர்வது மனுதர்ம நூலே! - பிறப்பில்
ஏற்றத் தாழ்வினைக் கற்பித்த குரலே!
ஒன்றே பிறப்பென 'பிறப்பு ஒக்கும் - எல்லா உயிர்க்கும்' என்றிங் குரைப்பது குறளே!
என்முன் வந்து நீயும் நில்லடா! - இந்த இரண்டும் ஒன்றா பதில் சொல்லடா?
வர்ண பேதம் பிரம்மா செய்தான் - என்றே
மனுதர்ம நூலும் சொல்வது கண்டேன்!
வர்ண பேதம் நானே படைத்தேன் - என்றே
கண்ணன் கீதையில் சொல்வதும் கண்டேன்!
வர்ண பேதம் விதைத்தவன் யாரடா? - மாந்தருள்
பிரிவினை சொல்பவன் கடவுளா கூறடா?
உழவுத் தொழிலை இழிதொழில் என்றது - மண்ணின்
ஒப்பிலா இழிநூல் மனுதர்ம நூலே!
உழுதுண்டு வாழ்வா ரேவாழ் வார் என - உழவை
உயர்த்திப் பிடிப்பது திருக்குறள் நூலே!
என்முன் வந்து நீயும் நில்லடா! - இந்த
இரண்டும் ஒன்றா பதில் சொல்லடா?
சாதி குலதர் மத்தைக் கூறும் - மூல
சதிநூல் தானே மனுதர்ம நூலே!
சாதி குலதர் மம்என் றிங்கே - எதையும்
சாரா உலகநூல் திருக்குறள் தானே?
என்முன் வந்து நீயும் நில்லடா! - இந்த
இரண்டும் ஒன்றா பதில் சொல்லடா?
பட்டினிக் கிடந்தால் திருட லாமாம்! - சொல்வது
பார்ப்பான் நூலான மனுதர்ம நூலே!
பட்டினிக் கிடப்பது தாயே எனினும் - சான்றோர்
பழிப்பது செய்யேல் என்பது குறளே!
என்முன் வந்து நீயும் நில்லடா!
இந்த இரண்டும் ஒன்றா பதில் சொல்லடா ?
வேள்வி தன்னை உயர்த்திப் பிடித்தே - பார்ப்பான்
மேன்மை ஆதல் மனுதர்ம நூலே!
வேள்வி செய்வது வெட்டி வேலை - அதையே
வேண்டாம் என்பது திருக்குறள் நூலே!
என்முன் வந்து நீயும் நில்லடா! - இந்த
இரண்டும் ஒன்றா பதில் சொல்லடா?
அறம்பொருள் இன்பம் வீடென் றிங்கே - நான்காய்
அடுக்கி வைப்பது மனுதர்ம நூலே!
அறம்பொருள் இன்பம் என்று மூன்றுடன் - வீட்டின்
அடையாளம் இலாதது திருக்குறள் நூலே!
என்முன் வந்து நீயும் நில்லடா! - இந்த
இரண்டும் ஒன்றா பதில் சொல்லடா?
மண்ணில் ஆணை உயர்த்திடும் மனுதர்மம் - ஆனால்
ஆண்பெண் சமமே என்றிடும் திருக்குறள்!
பெண்ணை விபசாரி என்பது மனுதர்மம் - தெய்வமாய்ப்
பெண்மையைப் போற்றிப் புகழ்வது திருக்குறள்!
என்முன் வந்து நீயும் நில்லடா! - இந்த
இரண்டும் ஒன்றா பதில் சொல்லடா?
உலகப் பொதுநூல் திருக்குறள் ஒன்றே! - இதை
உரிமை கொண்டாட திருடுதல் வீணே!
உலவும் கதிரோன் உருவைத் தொட்டால் - நீயும்
உருத்தெரியாமல் மறைவாய் தானே?
சவாலை ஏற்றுப் புலியிடம் வருவாயா? - இல்லை
சந்து பொந்தில் எலிபோல் நுழைவாயா?
கடலளவு நீரெனக் கைவசம் இருக்கு - உன்றன்
மனுதர்மத் தோலை உரித்துக் காட்ட!
கடுகளவே உரித்துப் போட்டேன் இன்று! - இன்னும்
காண வேண்டின் வந்தால் நன்று!
உடனே வாரும்; இலையேல் ஓடும்!
வந்தால் உடலின் ஒண்பது ஓட்டையும் மூடும்!!
- விடுதலை ஞாயிறு மலர், 17.11.18
