200 வருடத்துக்கு முந்தைய தமிழ் எண் பொறிக்கப்பட்ட மைல் கல் அம்பாசமுத்திரத்தில் கண்டுபிடிப்பு!

நெல்லை மாவட்டம் அம்பாசமுத் திரத்திலிருந்து பிரமதேசம் செல்லும் சாலையின் இடது புறமாக, கவுதமபுரி வண்டன் குளக்கரையில் 18ஆம் நூற் றாண்டைசேர்ந்த தமிழ் எண்களுடன் கூடிய மைல் கல் புதுக்கோட்டை தொல்லியல் ஆய்வுக்கழகம் நிறுவனர் ஆ.மணிகண்டன், தலைவர் கரு.இரா சேந்திரன், இராமநாதபுரம் தொல்லி யல் ஆய்வு நிறுவனத்தின் நிறுவனத் தலைவர் வே.இராஜகுரு, கொல்லங் குடி கா.காளிராசா, அதே ஊரைச் சேர்ந்த மதியழகன் ஆகியோரடங்கிய குழுவினரால் அடையாளங் காணப் பட்டுள்ளது.

இந்த மைல் கல்லின் வரலாற்று பின்னணி குறித்து தஞ்சை தமிழ்ப் பல்கலைக்கழக தொல்லறிவியல்துறை முனைவர் பட்ட ஆய்வாளர் ஆ.மணிகண்டன், இராமநாதபுரம் தொல்லியல் ஆய்வு நிறுவனத்தின் தலைவர் வே.இராஜகுரு ஆகியோர் கூறியதாவது:அம்பாசமுத்திரம் பகுதியின் முதல் தமிழ் எண் மைல் கல் இதுவரை புதுக்கோட்டை மாவட்டம் மற்றும் தஞ்சை மாவட்டப்பகுதிகளில் 5 மைல்கல் கல்வெட்டுகள் கண்டெடுக் கப்பட்டுள்ளன.

இந்த கல்வெட்டுகளில் தமிழ், ரோமன்,  எண்கள் பொறிக்கப்பட்டு உள்ளது. இந்த மைல் கல் இப்பகுதியில் அடையாளங்காணப்பட்ட முதல் தமிழ் எண் மைல் கல்லாகும்.முதலாம் ராஜராஜன் சோழர் ஆட்சி காலத்தில் மிக முக்கியமான தளமாகவும், ஆங்கிலேயர் ஆட்சியில் 1850 ஆண்டு வரை தாலுக்கா தலைமையிடமாகவும் இருந்த பிரமதேசம் வரலாற்றில் மிக முக்கியத்துவம் வாய்ந்த பகுதியாகும்.

இது ஆங்கிலேயர் ஆட்சியின் மிக முக்கியமான கட்டுமான கட்டமைப்பு விரிவாக்கத்தின் ஒரு பகுதியாக 18 ஆம் நூற்றாண்டின் இறுதிக்காலக்கட்டத் தில் அம்பாசமுத்திரம் தொடங்கி பிர மதேசம் வரை இச்சாலையை அமைத்து முக்கிய வழியாக பயன்படுத்தப்பட்டி ருக்கிறது என்பதை புரிந்து கொள்ள முடிகிறது.

கவுதமபுரியில் கண்டுபிடிக்கப்பட்ட இக்கல்வெட்டில் அம்பாசமுத்திரம் “க”, பிரமதேசம் “க” அதாவது கல் வெட்டு நடப்பட்டுள்ள வண்டன் குளக்கரையிலிருந்து இரண்டு ஊர் களும் நேரெதிர்திசையில் 1 மைல்தூரம் என்று ஒரு பக்கத்தில் மட்டும் பொறிக்கப்பட்டுள்ளது.

அம்பாசமுத்திரம் மற்றும் பிரம தேசம் செல்பவர்களுக்காக குறிப் பிட்ட இடைவெளிகளில் நடப்பட்டி ருக்க வேண்டும். ஆனால் இந்தவழியில் வேறு எங்கும் சாலை ஓரத்தில் இதைப் போன்ற தமிழ் எண் பொறிக்கப்பட்ட கல்வெட்டுகள் அடையாளம் காணப் படவில்லை.

இக்கல்வெட்டின் மூலம் 200 ஆண்டுகளுக்கு முன்பிருந்தே இந்த சாலை முக்கியத்துவம் வாய்ந்த நெடுஞ் சாலையாக இருந்துள்ளதை மைல்கல் கல்வெட்டு உறுதிப்படுத்துகிறது.இது குறித்த தெளிவான குறிப்புகள் இல்லை என்பதால் பிரமதேசம் தாலுக்கா தலைமையகமாக  இருந்த காலக்கட் டத்தில் அதாவது கி.பி 1850க்கு முன்னதாக 18ஆம் நூற்றாண்டின் இறுதி காலக்கட்டத்தில் தமிழகம் முழுவதும் சாலை அமைக்கப்பட்ட போது கிழக்கிந்திய கம்பெனியினரால் அமைக்கப்பட்டிருக்க வேண்டும்.

தற்போது நடைமுறையிலுள்ள அரபு எண்களை  பயன்படுத்தாமல் ரோமன் எண்களையும் தமிழ் எண் களையும் மட்டுமே பயன்படுத்தி இம் மைல் கல் பொறிக்கப்பட்டிருப்பதன் மூலம் ஆங்கிலேயர் ஆட்சியின் தொடக்கத்தில் தமிழக ஆட்சி நிர்வாகத்தில் ரோமன் மற்றும் தமிழ் எண்கள் மட்டுமே பயன்பாட்டில் இருந்துள்ளதை வெளிப்படுத்தும் மிக முக்கிய மான சான்றாக உள்ளது.

மேலும் ஆங்கிலேயர் காலத்தி லேயே தமிழ் எண்கள்அரசு மற்றும் பொதுமக்கள் பயன்பாட்டில் இருந் துள்ளதையும், பொது மக்களும் தமிழ் எண்களையே பயன்படுத்தினர் என்பதையும் அறிந்து கொள்வதோடு தமிழ் எண்கள் சமீபகாலமாகத்தான் புழக்கத்திலிருந்து அற்றுப்போயிருக் கிறது என்பதையும் தெளிவாக்குகிறது. என்றனர்.

-  விடுதலை ஞாயிறுமலர், 15.6.19

உச்சநீதிமன்றத் தீர்ப்புகள் மொழி பெயர்ப்பு தாய்மொழிகளின் பட்டியலில் தமிழையும் சேர்க்க வேண்டும்!

உச்சநீதிமன்றத் தலைமை நீதிபதியிடம் டி.ஆர்.பாலு மனு

சென்னை, ஜூலை13, உச்சநீதிமன்றத் தீர்ப்புகளை உடனுக்குடன் மொழி பெயர்க்கப்படும் தாய்மொழிகளின் பட்டியலில் தமிழையும் சேர்க்க வேண்டும் என்பதை வலியுறுத்தி உச்ச நீதிமன்ற தலைமை நீதிபதியை நேரில் சந்தித்து திமுக நாடாளுமன்ற குழுத் தலைவர் டி.ஆர்.பாலு  கோரியுள்ளார்.

இதுகுறித்து புதுடில்லியில் உள்ள திமுக நாடாளுமன்றக் குழுத் தலைவரின் அலுவலகம் நேற்று வெளியிட்டுள்ள செய்திக் குறிப்பில் தெரிவிக் கப்பட்டிருப்பதாவது:-

தி.மு..தலைவர் மு.க.ஸ்டாலின் அறிவுரையின்படி, தி.மு.கழக நாடாளுமன்றக் குழுத் தலைவர் டி.ஆர்.பாலு நேற்று (12.7.2019) இந்தியா வின் தலைமை நீதிபதி அவர்களைச் சந்தித்து, உச்சநீதிமன்றத் தீர்ப்புகளை ஏக காலத்தில் மொழி பெயர்ப்பு செய்வதற்கு உத்தேசிக்கப்பட்டிருக் கும் தாய்மொழிகளின் பட்டியலில் தமிழையும் சேர்க்க வேண்டும் என்று கோரி மனு ஒன்றை அளித்தார்.

அந்த மனுவில், உச்சநீதிமன்றத்தின் இணையதளத்தில் 2019 ஜூலை மாத இறுதியிலிருந்து உச்சநீதிமன்றத் தீர்ப் புகளை ஏக காலத்தில் மொழி பெயர்ப்பு செய்ய ஏற்பாடு செய்யப் பட்டுள்ள மாநில மொழிகளான அசாமி, இந்தி, கன்னடம், மராத்தி, ஒடியா மற்றும் தெலுங்கு ஆகியவற் றுடன் தமிழையும் சேர்த்துக் கொள்ள வேண்டும் என்று வலியுறுத்தியுள்ளது.

இந்தியா போன்று பல மொழிகள் பேசப்படும் நாட்டில் ஏக காலத்தில் உச்சநீதிமன்றத் தீர்ப்புகளை மொழி பெயர்ப்பதற்கான மாநில மக்களின்  தாய்மொழிகளின் பட்டியலில் தமி ழையும் சேர்ப்பதன் மூலம் வழக் காடுபவர்கள் வழக்கின் பிரச்சினை களை எளிதாகப் புரிந்து கொள்வதை நிச்சயமாக எளிதாக்கும் என்று கூறப்பட்டுள்ளது.

அந்த மனுவில், உச்சநீதிமன்றத் தீர்ப்புகளை ஏக காலத்தில் மொழி பெயர்ப்பு செய்வதற்கான மாநில மக்களின் தாய்மொழிகளின் பட்டி யலில் சேர்ப்பதற்காக கொடுக்கப்பட் டுள்ள முக்கியக் காரணங்கள் வரு மாறு:-

(1) தமிழ்நாட்டில் பெருமளவில் பேசப்பட்டு வரும் திராவிட மொழி யான தமிழின் மேன்மையின் காரண மாக அதற்கு 2004 ஆம் ஆண்டு, பிற இந்திய மொழிகளில் முதலாவதாக செம்மொழித் தகுதி (அந்தஸ்து) வழங்கப்பட்டது. அதற்குப் பின்னரே அந்த (செம்மொழித் தகுதி), பிற மொழிகளுக்கு வழங்கப்பட்டது.

(2) உலகம் முழுவதும் தமிழ் சுமார் 8 கோடி (80 மில்லியன்) மக்களால் பேசப்பட்டு வருகிறது. கோடிக் கணக்கான மக்களால் இன்னமும் ஆற்றல் வாய்ந்த தாய்மொழியாக பேசப்பட்டு வரும் ஒரே புராதன மொழி தமிழேயாகும்.

(3) இந்திய மாநிலமான தமிழ் நாட்டின் அலுவல் (ஆட்சி) மொழி யாகவும், இந்திய அரசியலமைப்புச் சட்டத்தின் எட்டாவது அட்ட வணையில் இடம் பெற்றுள்ள 22 மொழிகளில் ஒன்றாகவும் உள்ளது. யூனியன் பிரதேசங்களான புதுச்சேரி மற்றும் அந்தமான் நிகோபார் தீவு களின் அலுவல் (ஆட்சி) மொழிகளில் ஒன்றாகவும் உள்ளது. சிங்கப் பூரிலும், இலங்கை (சிறீலங்கா) யிலும் அலுவல் (ஆட்சி) மொழி களில் ஒன்றாகத் தமிழ் உள்ளது. மேலும் தமிழ் மொழி, மலேசியா, மியான்மர், கனடா மற்றும் தென் ஆப்பிரிக்க நாடுகளில் உள்ள ஏராளமான பள்ளிகளில் கற்பிக்கப் பட்டு வருகிறது. மேலும் பல நாடு களிலும் கற்பிக்கப்பட்டு வருகிறது. உண்மையில் இது ஒரு பன்னாட்டு மொழி. இதன் முக்கியத்துவம் இதர நாடுகளிலும் அடையாளப்படுத்தப் பட்டுள்ளது.

(4) மொழித்துறையில் அடை யாளம் என்பது ஒரு முக்கியமான கொள்கையாக தற்போது உள்ளது. மொழிப் பிரிவைத் தேர்ந்தெடுப்பது ஒரு சமுதாயத்தின் ஒருமைப் பாட் டுக்கு அடையாளமாகப் பயன்படுத்தப் படுகிறது. ஒரு கலாச்சாரத்துடன் ஒருங்கிணைந்த மொழியாகவும் அதே போன்று அடையாளத்திற்கு மூல மாகவும் தமிழ் இருப்பதால், உச்சநீதி மன்றத்தின் தீர்ப்புகளை மொழி பெயர்ப்பதற்குத் தேர்ந்தெடுக்கப் பட்டுள்ள தாய் மொழிகளின் முதல் பட்டியலிலேயே அதை இடம் பெறச் செய்ய வேண்டும்.

(5)  பல்வேறு சட்ட ஆணையங் களின் (கமிஷன்களின்) அறிக்கை களில் மாண்புமிகு உச்சநீதி மன்றத்தின் இருக்கைகளை நாட்டின் பிற பகுதி களில் அமைப் பதற்கு ஏற்ற இடங்கள் பற்றிய கருத்தைத் தெரிவித்த போது, நிதி நெருக்கடியின் காரணமாக உச்சநீதிமன்றத்தை அணுகு வதற்கு இயலாமல் இருக்கும் வழக்காடுபவர் களுக்கு உதவி செய்வதற்கு தமிழ் நாட்டில் அதை அமைக்க வேண்டும் என்று தெரிவிக்கப்பட்டுள்ளது.

(6) தாய்மொழிகளின் முதல் பட்டியலில் தமிழ் சேர்க்கப்படுவதன் மூலம், பன்மொழித் தன்மையின் நோக்கத்தை மேலும் கொண்டு செல் வதற்கும், அதேபோன்று குறிப்பாக தமிழ்நாட்டில் அம்மொழியைப் பேசும் மக்க ளுக்கும், நாடு முழுவதும் தமிழ் மொழி பேசும் பிற மக்களுக்கும் இடையே உடமைத் தன்மையையும், ஒருமைப்பாட்டையும் சாதிப்பதற் கும் மேலும் சேர்ப்பதற்கும் உதவி செய்யும்.

இவ்வாறு திமுக தலைவர் மு.க.ஸ்டாலின் சார்பாக திமுக நாடாளுமன்றக் குழுத் தலைவர் டி.ஆர்.பாலு உச்சநீதிமன்ற தலைமை நீதிபதியிடம் அளிக்கப்பட்ட கோரிக்கை மனுவில் வலியுறுத்தப் பட்டுள்ளது.

திமுக தலைவர் தளபதி மு.க.ஸ்டாலின் சார்பில் திமுக நாடாளுமன்றக் குழுத் தலைவர் டி.ஆர்.பாலு தெரிவித்த கருத்துக்களைக் கூர்மையாகக் கேட்டுக் கொண்ட இந்தியாவின் தலைமை நீதிபதி அவர்கள், உச்சநீதிமன்றத்தின் தீர்ப்பு களை ஏக காலத்தில் மொழிபெயர்த்து வழங்குவதற்கு உத்தேசிக்கப்பட்டிருக் கும் தாய்மொழிகளின் முதல் பட்டி யலிலேயே தமிழையும் சேர்ப்பது குறித்த கோரிக்கையை பரிசீலித்து, விரைவில் நல்ல முடிவை எடுப்பதற்கு கனிவுடன் ஒப்புக்கொண்டார்கள்.

இவ்வாறு திமுக நாடாளுமன்றக் குழுத் தலைவர் அலுவலகம் வெளியிட்டுள்ள செய்திக்குறிப்பில் குறிப் பிடப்பட்டுள்ளது.

-  விடுதலை நாளேடு, 13.7.19

மூன்று தமிழ்

மூன்று தமிழ் : தமிழ் மொழிதோற்றத்தையும் வரலாற்றுக்காலத்தையும் பல பகுதிகளாகபிரித்துக் கொள்ளலாம்.

1. பழந்தமிழ்
2. இடைக்காலத்தமிழ்
3. தற்காலத்தமிழ்

1. பழந்தமிழ் (Ancient Tamil)

உட்பிரிவுகள் மூன்று.

அ. முன்பழந்தமிழ் – தொல்பழந்தமிழ்

Early ancient Tamil (or) Proto Ancient Tamil

ஆ. மத்திய பழந்தமிழ் – Medieval Ancient Tamil

இ. பின்பழந்தமிழ் – Later Ancient Tamil

2. இடைக்காலத் தமிழ் (Medieval Tamil)

உட்பிரிவுகள் மூன்று.

அ. முன்இடைக்காலத் தமிழ் – Early Medieval Tamil

ஆ. மத்தியஇடைக்காலத் தமிழ் – Medium Mediaval Tamil

இ. பின்இடைக்காலத் தமிழ் – Later Medieval Tamil

3. தற்காலத் தமிழ் (Modern Tamil)

உட்பிரிவுகள் மூன்று.

அ. முன் தற்காலத் தமிழ் – Early Modern Tamil

ஆ. பின் தற்காலத் தமிழ் – Later Modern Tamil

முன்பழந்தமிழ் அல்லதுதொல்பழந்தமிழ் Early ancient Tamil (or) Proto Ancient Tamil

 திராவிட மொழிகள் பல உள்ளன. அவைகள் அனைத்தும் தமிழ் என்ற ஒரு மூல மொழியிலிருந்து உருவானவைகள். தொல்பழங்காலத்தில் திராவிட மூல மொழியாக இருந்த தமிழ் மொழியிலிருந்து பிரிந்து, காலத்தாலும் இடமாற்றங்களாலும் வெவ்வேறு மாற்றமடைந்து வளர்ந்தவைகளே பிறமொழிகள். அவற்றை நாம் ” திராவிட மொழிக் குடும்பம்” என்று அழைக்கிறோம். பல மொழிகள் உருவாக மூலமாக, கருவாக இருந்த மொழியினைத் தொல்திராவிட மொழி அல்லது மூலத்திராவிட மொழி (Proto Diravidan Language) என்கிறோம்.

திராவிட மொழிக் குடும்பம்

மூலத்திராவிட மொழி அல்லது தொல் திராவிட மொழியாகத் திகழ்ந்த தமிழ் மொழியிலிருந்து பிரிந்து சென்ற மொழிகளைத் திராவிட மொழிக் குடும்பம் என்கிறோம். தமிழ், கோண்டி, கூயி, கூவி, கோவாமி, மண்டா, கொண்டா, நாயக்கி, குருக், மால்தோ, பிராகூய் போன்றவைகளோடு இன்னும் பல பல உண்டு. திராவிட மொழிகளை மூன்று பிரிவுகளாகப் பிரித்துள்ளனர்.

1. தென் திராவிட மொழிகள் – தமிழ், மலையாளம், கன்னடம்.
2. நடுத்திராவிட மொழிகள் – தெலுங்கு, கோண்டி, கூயி, கூவி மேலும் பல உள்ளன.
3. வடதிராவிட மொழிகள் – குருக், மால்தோ, பிராகூப் மேலும் பல உள்ளன.

தமிழ்மொழியின் பெரும்புகழ்

திராவிட மொழிகளில் மிகப் பழமை வாய்ந்த மொழி தமிழ். சுமார் ஐந்தாயிரம் (5000) ஆண்டுகளுக்கு முன்பே இலக்கண நூல்களையும் பல இலக்கியங்களையும் பெற்று பாரெங்கும் புகழ்பரவ, பெரும் வளர்ச்சி பெற்றிருந்த ஒரே மொழி தமிழாகும். திராவிட மொழியை ஆய்வு செய்த பேரறிஞர்கள் திரு. பர்ரோவும், திரு. எமனோவும் இணைந்து “திராவிடச் சொற்பிறப்பியல் அகராதி” (Diravidan Etymological Dictonary) வெளியிட்டனர் என்றால், தமிழ் மொழியின் வளர்ச்சியை உணருங்கள்.

இத்தமிழ் மொழி, இன்றைய தமிழ் நாட்டில் மட்டும் அல்ல அன்றைய குமரிக் கண்டமாகிய பழந்தமிழ் நாட்டில் மட்டுமல்லாமல் பாரெங்கும் பரவியிருந்தது. பர்மா, மலேசியா, சிங்கப்பூர், பிஜித்தூவு, இலங்கை, தென் ஆப்பிரிக்கா, பிரிட்டிஷ், கயானா, மடகாஸ்கர், கிரினிடால் போன்ற உலகின் பல பகுதிகளிலும் பரவி மலர்ந்திருந்தது.

நன்றி : இணையம்

பெரியார் அன்று சொன்னார் (திரு)

பெரியார் ஆணைப்படி ஸ்ரீஎன்பதற்குப் பதிலாக திரு என்பதைப் பயன்படுத்த வேண்டும் என மாநாடுகளிலும், கமிட்டிக் கூட்டங்களிலும் தீர்மானம் நிறைவேற்றி அரசுக்கு நீதிக்கட்சியின் அமைப்புகள் அனுப்பிவைத்தன.இத்தீர்மானங் களுக்குப் பிறகு பெரியார் கீழ்க்காணும் வேண்டுகோள் ஒன்றினை அவரது பெயரால் ஈரோட்டிலிருந்து 10.03.1942இல் வெளியிட்டார். அவ்வேண்டுகோள் இதுதான்.

“நாம், நமது மாநாடுகளிலும், கமிட்டிக் கூட்டங்களிலும், நம் மக்களுடைய பெயர்களுக்கு முன்பாக மரியாதை வார்த்தையாக இப்போது சர்க்காரால் உபயோகப்படுத்தப்படும் ஸ்ரீ என்கிற வார்த்தைக்குப் பதிலாக திரு என்கிற வார்த்தையை உபயோகப் படுத்த வேண்டும் என்று தீர்மானம் செய்து, சென்னை சர்க்காருக்கு அனுப்பி இருந்ததுயாவரும் அறிந்திருந்ததேயாகும்.

இப்போது, சென்னை சர்க்காரார் அந்தப்படி மாறுதல் செய்யும் விஷயத்தில் பொதுமக்களின் அபிப்பிராயம் அறிய விரும்பு கிறார்கள் எனத் தெரிவதால், தாங்கள், தங்கள் ஊரில் உடனே ஒரு பொதுக்கூட்டம் ஏற்பாடு செய்து, அந்தப்படி மாற்ற வேண்டியது பற்றி தீர்மானம் நிறைவேற்றி, அதை சர்க்கார் சீப் செக்ரெடரி, மதராஸ் கவர்ன்மெண்ட், மதராஸ் என்ற விலாசத்துக்கு உடனே அனுப்பிக் கொடுத்து, விடுதலைக்கும் தெரிவிக்க வேணுமாய் வேண்டிக் கொள்ளுகிறேன். இது மிகவும் அவசரமான காரிய மாகும். மற்றும், தங்கள் ஊரில் வேறு சங்கங்கள் இருந்தாலும் அதன் மூலமாயும் தீர்மானம் அனுப்பலாம்.

- (‘விடுதலை ‘ 15.03.1942)

 - விடுதலை ஞாயிறு மலர், 22. 6 .19

 

 

பெரியார் தமிழை காட்டுமிராண்டி மொழி என சொன்னாரா???

பெரியார் தமிழில் 247 எழுத்துக்கள் இருப்பதால் அறிவியல் வளர்ச்சிக்கு தக்கவாறு தட்டச்சு ,கணினி போன்றவற்றில் 247 எழுத்துக்களை பயன்படுத்துவதில் உள்ள சிரமங்களை கருத்தில் கொண்டு தமிழறிஞர்களுக்கு எழுத்து சீர்திருத்தம் செய்ய அழைப்பு தருகிறார்,

அதோடு நிற்காமல் முன்மாதிரியாக பெரியார் எழுத்து சீர்திருத்தம் மாதிரி வெளியிடுகிறார்  அதில் 247 தமிழ் எழுத்துக்கள் 30 + ஆக குறைத்து வெளியிடுகிறார்,

உதாரணமாக
தமிழில் உயிர் எழுத்துக்கள் 12,
அதில் குறில் எழுத்துக்கள் அ,இ,உ,எ,ஒ இதை நெடிலாக மாற்ற  உயிர் மெய் எழுத்தில் "க "க்கு அருகில் துணை கால் எழுத்து மட்டும் சேர்த்தால் "கா" எழுத்து நெடிலாக மாறுவதைப்போல் உயிர் எழுத்து குறில் எழுத்துக்களோடு கா அருகில் வரும் துணைக்கால் மட்டும் சேர்த்தால் அ,இ,உ,எ,ஒ + துணைக்கால் சேர்த்து எழுதினால் உயிர் எழுத்தில் நான்கு எழுத்துக்கள் குறையும்,மேலும் "ஐ " க்கு பதிலாக "அய்" என எழுதினால் மேலும் ஒரு உயிரெழுத்து குறையும் ,மொத்தம் 12 உயிர் எழுத்துக்கள் 6 எழுத்துக்களாகவும் ,உயிர் மெய் எழுத்துக்களில் பல மாற்றங்கள் உதாரணமாக முன்பு " லை " நை,ணை போன்ற எழுத்துக்கள் வேறு வடிவங்களில் இருந்தன,
ண தனி எழுத்து "ணை " வேறு வடிவில் இருக்கும் , ண+ துணை கால் சேர்ந்து "ணை" ஆனது போல் உயிர் மெய் எழுத்துக்களில் சீர்திருத்தம் செய்தார்,

பல தமிழ் அறிஞர்கள் பக்தியாளர்கள் உயிர் எழுத்துக்களில் மாற்றம் வருவதை ஏற்கவில்லை, உதாரணமாக "ஓ" நெடில், "ஐ " போன்ற எழுத்துகள் கடவுள்களை அடையாள படுத்தும்  (குறிக்கும் ) சொற்கள் அவைகளை மாற்ற கூடாது என்பது போன்ற வாதங்களை வைத்து எதிர்ப்பு தெரிவிக்கின்றனர்,

பெரியார் தமிழறிஞர்கள் போர்வையில்  தமிழின் அறிவியல் வளர்ச்சிக்கு தடையாக எதிர்ப்பு தெரிவித்தவர்களிடம் எழுத்துசீர்திருத்தம் வேண்டும் என்றும் அப்போது தான் தமிழில் அறிவியல் வளரும் என்று கோபம் கொள்கிறார்,

பழங்கால வழக்கப்படி தமிழில் புராண ,இதிகாசங்களை மட்டும் வைத்துக்கொண்டு அறிவியல் தமிழ் வளர்ச்சி பெறாது,

எனவே எழுத்து சீர்திருத்தத்தை ஏற்படுத்த ஒத்துழைப்பு கோருகிறார்,

பழமையை மாற்ற விரும்பாத பக்தியில் ஊறிய தமிழறிஞர்கள் பரப்பியதே பெரியார் தமிழை காட்டுமிராண்டி மொழி என்று சொன்னார் என்பது,

தமிழ் கல் தோன்றி மண் தோன்றா காலத்தே தோன்றிய மூத்த மொழி கால மாறுதல்களுக்கு ஏற்ப பல மாற்றங்களை கொண்டே இன்றைய நிலையை அடைந்திருக்கிறது,

"பெரியார்" 247 தமிழ் எழுத்துக்களை 30+ ஆக மாற்றினார் என்பாதாலேயே முழுமையாக ஏற்க மறுத்து பெரியாரை தமிழுக்கு எதிரானவர் என கருத்து பரப்புதல் செய்தனர்,செய்கின்றனர்,

(ஆங்கிலத்தில் 26 எழுத்துக்கள் மட்டுமே ,தட்டச்சு ,கணினி க்கு எளிதாக இருக்கிறது)

எம் ஜிஆர் ஆட்சிகாலத்தில் பெரியாரின் எழுத்து சீர்திருத்தம் குறைந்த அளவில் தமிழக அரசு ஒப்புதல் அளித்து நடைமுறைப்படுத்தியதே ,

நாம் இப்போது 1980 க்கு பிறகு பயன் படுத்துகிறோம்,

பெரியாரின் "தமிழ் எழுத்து சீர்திருத்தம்" தேடி  நடுநிலயோடு படித்து முடிவெடுக்கவும், அப்போது தெரியும் பெரியார் தமிழுக்கு எதிரியா??
தமிழை அறிவியல் மொழியாக்க முயற்சித்தாரா என விடைகிடைக்கும்.

கடவுள் ஏற்படுத்தியது தான் சாதிமுறை என்ற வாதம் வந்தபோது, மக்களை
பிளவு படுத்தி தீண்டதகாதவர்களாக கடவுள்தான் படைத்தார் என்றால் அந்த கடவுள் செயல் என்பதை ஒழிப்பேன் என்றார் பெரியார் "கடவுள் இல்லை" என்று முழக்கமிட்டு பிரச்சாரம் செய்தார்.

"பெரியார் மனிதத்தை நேசித்த மாண்பாளர்"

-முல்லைவேந்தன்-

யோகா அல்ல ஓகம்

யோகா அல்ல ஓகம் !!!

தமிழர்களின் ஓகக் கலையை மீட்போம்! தமிழ்ச் சித்தர்கள் உலகிற்கு வழங்கிய ஒப்பற்ற ஓகக்கலைகளின் தமிழ்ப்பெயர்களை அறிவோம்!!

இத்தனை காலங்கள் நம்முடைய கலைகளை வடநாட்டு ஆரியர்கள் சமஸ்கிருத பெயர் சூட்டி அவர்கள் கலைகளாகவே மாற்றினர்.

தமிழகத் தமிழர்களும் இந்த ஓகக் கலைகள் யாவும் தமிழர்களுடைய கலைகள் அல்ல அவை ஆரியக் கலைகள் என்றே நம்பி வந்தனர்.

அதனால் இக்கலைகளின் தமிழ்ப் பெயர்களை மீட்க எந்த நடவடிக்கையும் தமிழ் ஆசிரியர்களே எடுக்க வில்லை என்பது வேதனையான விடயம்.

மேலும் சமஸ்கிருத மொழியில் ஓகக் கலைகளை சொல்லிக் கொடுப்பது தான் மேன்மையான அறிவு என்றும் கருதினர்

சில தமிழ் ஆசான்கள்.
தமிழில் சொல்லிக் கொடுத்தால் அது எளிதில் மாணவர்கள் புரிந்து கொள்வார்கள் அதனால் தங்கள் தொழில் பாதிக்கப்படும் என்றும் சிலர் கருதினர்.

ஆரியர்களும் அவ்வாறே புரியாத மொழியில் ஓகக் கலைகளை மக்களுக்கு சொல்லிக் கொடுத்து வந்தனர்.

அதனால் ஒட்டுமொத்த ஓகக் கலைகளுக்கும் தாங்கள் தான் உரிமைதாரர்கள் என்றும் கூறிவருகின்றனர் ஆரிய மதத்தினர்.

இந்நிலையில் தமிழ்நெறி வாழ்வியல் ஆசான் திரு. குப்பு அசித்தர் தமிழர்களின் ஓகக் கலைகளின் பெயர்கள் முழுவதையும் இப்போது மீட்டு நமக்கு தந்துள்ளார் என்பது மகிழ்ச்சியான செய்தியாகும்.

தமிழர்கள் யாவரும் இனி ஓகக் கலைகளை தங்கள் தாய்மொழியிலேயே எளிதில் பயிலலாம்.

இக்கலைகள் குறித்த ஐயங்களை திரு குப்பு அசித்தர் அவர்களை தொடர்பு கொண்டும் தெளிவடையலாம்.

ஓக இருக்கைகளின் தமிழ்ப் பெயர்களுக்கு இணையான பிற மொழிப் பெயர்கள் பட்டியல்
தமிழ்ப் பெயர்கள் , வடமொழிப் பெயர்கள், ஆங்கிலப் பெயர்கள்:-

1. ஞாயிறு வணக்கம் - சூரிய நமசுகாரம் - SALUTE TO THE SUN

2. ஒற்றைக்கால் ஞாயிறு வணக்கம்- ஏகபாத சூரிய நமசுகாரம் - SALUTE THE SUN ON ONE LEG

3. அரை நிலாவிருக்கை - அர்த்த சந்திராசனம் - CRESCENT POSTURE

4. மலையிருக்கை - மேரு ஆசனம் - MOUNTAIN POSTURE

5. மலை நிமிர்வு இருக்கை - தாடாசனம் - MOUNTAIN ERECT POSTURE
நிலைத்திணை / பயிர் உயிரிகள் - PLANTS

6. தாமரை இருக்கை - பத்மாசனம் - LOTUS POSTURE

7. எழும்பு தாமரை இருக்கை - உத்தித பத்மாசனம் - RAISED LOTUS POSTURE

8. பூட்டிய தாமரை இருக்கை - பத்த பத்மாசனம் - LOCKED LOTUS POSTURE

9. நாணல் முதுகு இருக்கை - பச்சிமோத்தாசனம் - BACK ERECTING POSTURE

10. மரவிருக்கை - டோலாசனம் - TREE POSTURE

11. மூங்கில் வளைவு இருக்கை, கை கால் இணைவிருக்கை / - பாத அசுதாசனம் - HAND AND FOOT POSTURE
விலங்கு - CREATURES
நீர் உயிரிகள் - AQUATICS

12. தவளை இருக்கை - பெக்காசனம் - FROG POSTURE

13. மீன் இருக்கை - மச்சாசனம் - FISH POSTURE

14. சுறவம் இருக்கை - மகராசனம் - SHARK POSTURE

15. முதலை இருக்கை - மக்கராசனம் - CROCADILE POSTURE

16. சங்கு இருக்கை /
உடல் முறுக்கும் இருக்கை - வக்ராசனம் - SEA SHELL POSTURE

17. ஆமை இருக்கை - கூர்மாசனம் - TORTOISE POSTURE 18. கை நீட்டிய ஆமை இருக்கை விக்சேபம் கூர்மாசனம் - HAND STRETCHED TORTOISE POSTURE
ஊர்வன - REPTILES

19. தேள் இருக்கை - விருச்சிக ஆசனம் - SCORPION POSTURE

20. பாம்பு இருக்கை - புசங்காசனம் - SERPENT POSTURE
நடப்பன - VERTEBRATE

21. ஆமுகவாய் இருக்கை - கோமுகாசனம் - COW FACE POSTURE

22. ஆவினிருக்கை - கோவாசனம் - COW POSTURE

23. பூனை இருக்கை - பில்லியாசனம் - CAT POSTURE

24. ஒட்டகவிருக்கை - உசர்ட்டாசனம் - CAMEL POSTURE

25. நாய்முக இருக்கை - அதோமுக சுனங்கனாசனம்- DOG FACE POSTURE

26. புலி இருக்கை - வியாகராசனம் - TIGER POSTURE

27. அரிமா இருக்கை - சிம்மாசனம் - LION POSTURE

28. மிடுக்கான குதிரை இருக்கை - கம்பீர அசுவினி தீரனாசனம்- BRA

29. முயல் இருக்கை - சசாங்காசனம் - RABBIT POSTURE

30. நரி இருக்கை - மார்சரி ஆசனம் - FOX POSTURE
பறப்பன - AVES & INSECTS

31. வெட்டுக்கிளி இருக்கை - சலபாசனம் - GRASSHOPPER (LOCUST) POSTURE

32. அரை வெட்டுக்கிளி இருக்கை - அர்த்தசலபாசனம் - SEMI GRASSHOPPER POSTURE

33. மயிலிருக்கை - மயூராசனம் - PEACOCK POSTURE

34. புறாவிருக்கை - கப்போட்டாசனம் - DOVE POSTURE

35. பறக்கும் புறாவிருக்கை - உடுத்தாஉவா கப்போர்ட்டா- FLYNG DOVE POSTURE

36. கொக்குவிருக்கை - பக்காசனம் - CRANE POSTURE

37. ஒற்றைக்கால் கொக்குவிருக்கை - ஏகபாத பக்காசனம் - SINGLE FOOTED CRANE POSTURE

38. கலுழன் இருக்கை - கருடாசனம் - EAGLE POSTURE

39. சேவல் இருக்கை - குக்குடாசனம் - COCK POSTURE

40. நிற்கும் மயிலிருக்கை - கடுடா மயூராசனம் - STANDING PEACOCK POSTURE

41. வாத்து இருக்கை - அம்சாசனம் - DUCK POSTURE

நடனம் - DANCE
42. நடன இருக்கை - நடனாசனம் - POSTURE OF NATARASA

43. களிக்கூத்து - ஆனந்த தாண்டவம் - PLEASURE DANCE POSTURE

44. கூத்தரசன் இருக்கை - நடராச ஆசனம் - KING OF DANCE POSTURE

45. வீர அடைவு இருக்கை - வீர அனுமான் ஆசனம் - BRAVE STEP POSTURE
1முத்திரை - GESTURE

46. ஓக முத்திரை - யோகமுத்ரா - OGAM GESTURE

47. பெரு முத்திரை - மகாமுத்ரா - GREAT GESTURE

48. படையல் முத்திரை - அஞ்சலி முத்ரா - HOMAGE GESTURE

49. குதிரை மலவாய் முத்திரை - அசுவினி முத்ரா - HORSE’S ANAL GESTURE

50. ஆறுமுக முத்திரை - சண்முக முத்ரா - HEXAGON GESTURE

கருவிகள் - TOOLS :-

51. நாற்காலி இருக்கை - உட்கட்டாசனம் - CHAIR POSTURE

52. அரசரிருக்கை - பூரண உட்கட்டாசனம் - THRONE POSTURE

53. சக்கரவிருக்கை - சக்ராசனம் - WHEEL POSTURE

54. அரைசக்கரவிருக்கை - அர்த்தகடி சக்கராசனம் - SEMI WHEEL POSTURE

55. வில்லிருக்கை - தனுராசனம் - BOW POSTURE

56. காதருகுவில்லிருக்கை - ஆகர்ண தனுராசனம் - EXTENDED BOW POSTURE

57. படகிருக்கை / நாவாய் இருக்கை - நவாசனம் - BOAT POSTURE

58. முக்கோணவிருக்கை - திரிகோனாசனம் - TRIANGLE POSTURE

59. பரிமாற்ற முக்கோணவிருக்கை - பரிவர்த்த திரிகோனாசனம்- TRANSFER TRIANGLE POSTURE

60. கலப்பை / ஏர் / உழவிருக்கை - அலாசனம் - PLOUGH POSTURE

தொழில் - ACTIVITIES :-

61. வழிபாட்டிருக்கை - சசாங்காசனம் - WORSHIP POSTURE

62. வீரவிருக்கை - வீராசனம் - BRAVE POSTURE

63. நெற்றிக்கண் வழியன் இருக்கை - வீரபத்ராசனம் - GLABELLA VIEW POSTURE

64. அம்மி அரைக்கும் இருக்கை - உபவிசுட்டகோணாசனம் - GRINDING POSTURE

65. காலணிதையலிருக்கை - பத்ராசனம் - SHOEMAKER POSTURE

66. தேரோட்டி இருக்கை - சாரதாசனம் - CHARIOT RIDER POSTURE

67. தலை முழங்கால் இருக்கை, பூத்தொடுக்கும் இருக்கை / - சானுசீராசனம் - HORIZONTAL U POSTURE , MAKING GARLAND POSTURE.

உடல் உறுப்புகள் - ORGANS OF HUMAN BODY :-

68. இணை காலடி இருக்கை - சமபாதாசனம் - PARRALLEL FOOT POSTURE

69. ஒரு காலூன்றி இருக்கை - நின்ற பாதாசனம் - SINGLE LEG POSTURE

70. கோண இருக்கை - கோணாசனம் - ANGLED POSTURE

71. விலாப்பக்க கோண இருக்கை - பார்சுவ கோணாசனம் - RIBSIDE ANGLED POSTURE

72. மண்டிவல்லிருக்கை - வச்சிராசனம் - FIRM KNEELING POSTURE

73. மழலை இருக்கை - பாலாசனம் - CHILD POSTURE

74. கிடைநிலை வல்லிருக்கை - சுப்த வச்சிராசனம் - SUPINE ANKLE POSTURE

75. குந்தி கைகூப்பு இருக்கை - உட்கட்டாசனம் - PERCH AND SALUTE WITH STRETCHED ARMS ABOVE HEAD

76. கை கூப்புகை தாமரை இருக்கை- பர்வட்டாசனம் - OVERHEAD RAISING OF ARMS AT LOTUS POSTURE

77. மாற்று அமர் இருக்கை - அர்த்தமத்ச்யேந்தராசனம் - CONTRA SITTING POSTURE

78. பூட்டிய கோணவிருக்கை - பத்தகோணாசனம் - LOCKED ANGLE POSTURE

79. நீள்காலடி இருக்கை - உத்தான பாதாசனம் - RAISED FOOT ERECT

80. ஓகத்துயில் - யோக நித்ரா - OGAM SLEEP

81. அரை உடல் இருக்கை - விபரீதகரணி - HIP STAND POSTURE

82. முழு உடல் இருக்கை - சர்வாங்காசனம் - SHOULDER STAND

83. பாதி முழு உடல் இருக்கை - பர்வதாசனம் - SEMI SHOULDER STAND

84. மேடை இருக்கை - பீடாசனம் - STAGE POSTURE

85. பகுதலை இருக்கை - அர்த்த சிரசாசனம் - SEMI INVERTTED

86. தலை இருக்கை - சிரசாசனம் - INVERTTED POSTURE

தூய்மை - CLEANSING :-

87. வளிகழித்தலிருக்கை - பவன முக்தாசனம் - WIND RELEASING TECHNIQUE

88. வளி எழுப்பிக்கட்டுவிருக்கை - உட்டியானபந்தம் - FLYUP LOCK

89. குடல் சுழற்றியிருக்கை - நௌலி - BOWEL CIRCULATING POSTURE

90. மூச்சொழுக்கம் - பிராணாயாமம் -
ORDER OF BREATH

91. தலை தூய்மை - கபாலபாதி - CLEANSING OF BRAIN

92. துருத்தி மூச்சு - பசுதிரிகா - BELLOW BREATH

93. சீழ்க்கை - சீத்காரி - WHISTLING

94. நீர்த் தூய்மை - சலநேதி - WATER CLEANSING

95. குளிர் சீழ்க்கை - சீத்தளி - COOL WHISTLE

96. மூலக்கட்டு - மூலபந்தம் - ANAL CONTRACTION

97. நாடித் தூய்மை - நாடி சுத்தி - CLEANSING OF PULSE

98. தேனீ ஒலி - பிராமரி - HONEY BEE HISSING

99. கண் தூய்மை - திராடகா - EYE CLEANSING

100. பல்லிடுக்கில் காற்றுறிஞ்சல் - சதந்தா - INHALING THROUGH CLEANCHED TEETH

101. உள் மூச்சு - அனுலோமம் - INHALING

102. வெளி மூச்சு - விலோமம் - EXHALING

103. தொண்டை ஒலி - உச்சயி - HISSING OF PHARYNX

நிறைவு நிலை - PACIFICATION :-

104. இயல்பிருக்கை - சுகாசனம் - AT EASE POSTURE

105.. அமைதி இருக்கை - சவாசனம், - LYING RELAX POSTURE

தகவல் :- மரபு வழி சித்த வைத்தியர் மாலிக்