கீழ்க்காணும் ஆறு மொழி கள் செவ்வியல் இலக்கியம் கொண்ட மொழிகளாக அறி ஞர்களால் பேசப்படுகின்றன.
1. கிரேக்கம், 2. இலத்தீன், 3. வடமொழி, 4. தமிழ், 5. ஹீப்ரு, 6. சீனம்
தமிழைப் பொறுத்தவரை, பத்துப்பாட்டு, எட்டுத் தொகையைக் கொண்ட சங்க இலக்கியம் செவ்வியல் இலக் கியமாகக் கருதப்படுகிறது. கி.மு. இரண்டாவது நூற்றாண்டு முதல், கி.பி. மூன்றாவது நூற்றாண்டின் நடுப்பகுதி வரையிலான காலப் பகுதி செவ் வியல் காலமாகக் கணிக்கப் படலாம். எனினும், பிற்பகுதி பற்றிய தெளிவான கருத்து இல்லை. இது ஆராயப்பட வேண்டிய ஒன்று.
டாக்டர் கமில் ஸ்வல பில், டாக்டர் ஜார்ஜ் ஹார்ட், டாக்டர் ராமானுஜன், டாக்டர் ஆஷர் போன்ற பல அறிஞர்களால் பண்டைத் தமிழ், செவ்வியல் மொழி என மதிக்கப்பட்டிருக்கிறது. ஏற்கெனவே உள்ள இந்த உலக அங்கீகாரத்துக்கு மகுடமாக, இந்திய அரசு அதன் 12.10.2004 நாளிட்ட ஆணையில் தமிழின் செவ்வியல் தன்மையை அரசு மட்டத்தில் அங்கீகரிப்பதாக அறிவித்தது. அகில உலக அளவில், தேசிய அளவில், தமி ழன் தகுதிநிலை பின்வருமாறு:
உலகில் ஏறத்தாழ 6000 மொழிகள் இருக்கின்றன. அவற்றில், ஆறு மொழிகள் மட்டுமே செவ்வியல் மொழி கள் எனும் தகுதிக்குரியவை. அவற்றுள் தமிழும் ஒன்று.
இந்திய அரசமைப்பில் இன்று (2005) இருபத்து இரண்டு மொழிகள் இடம் பெற்றிருக்கின்றன. அவற்றுள் செவ்வியல் மொழி எனும் தகுதியுடையவை இரண்டு, அவற்றுள் தமிழும் ஒன்று; மற்றொன்று வடமொழி.
இவ்வகைச் சிறப்புகட்குரிய தமிழ் நம் தாய் மொழி. நாம் நியாயமாகப் பெருமைப்படத் தக்க பாரம்பரியச் சொத்து.
(டாக்டர் வா.செ. குழந்தைசாமி அவர்களின் தமிழ்வளர்ச்சி மேம்பாடு + பயன்பாடு = வளர்ச்சி ஒரு தமிழ் வளர்ச்சிப் பனுவல்).
-விடுதலை ஞா.ம.,12.1.13
கருத்துகள் இல்லை:
கருத்துரையிடுக